«Վեսթ Հեմի» երկրպագուները հարձակվել են «Մանչեսթեր Յունայթեդի» ավտոբուսների վրա
«Վեսթ Հեմի» երկրպագուները խաղից առաջ հարձակվել են «Մանչեսթեր Յունայթեդի» ավտոբուսի վրա, որում գտնվել են թիմի մարզիչները և ֆուտբոլիստները:
Այդ կապակցությամբ խաղի սկիզբը հետաձգվել է: Հյուրերն ուշացել են նախավարժանքից և մրցավար Մայք Դինին խնդրել են կոմպենսացնել այն ժամանակը, որը նրանք կորցրել են տանտերերի երկրպագուների պատճառով: Մրցավարը համաձայնել է, և խաղի սկիզբը հետաձգվել է մոտ 45 րոպեով:
Ոստիկանությունն արցունքաբեր գազ է կիրառել ֆուտբոլային խուլիգանների դեմ:
Պատրաստեց Անի Գաբուզյանը
