Կաննում մեկնարկում է 69-րդ միջազգային կինոփառատոնը
Կաննում այսօր մեկնարկում է 69-րդ միջազգային կինոփառատոնը, որը կտևի մինչև մայիսի 22-ը, հայտնում է BBC-ն:
Այս տարի Կանն իրենց նոր ֆիլմերն են բերել ռեժիսորներ Պեդրո Ալմոդովարը, Ջիմ Ջարմուշը, Քեն Լոուչը, Փոլ Վերհուվենը, Ժան-Պիեռը, անգամ Շոն Փենը:
Միջազգային ժյուրին այդ տարի գլխավորում է ավստրալացի ռեժիսոր Ջորջ Միլլերը՝ «Խենթ Մաքս» բլոկբաստերի հեղինակը:
Կաննի կինոփառատոնը կբացվի Վուդի Ալենի «Գեղեցիկ մարդիկ» ֆիլմի պրեմիերայով, որտեղ նկարահանվել են Ջեսի Այզենբերգն ու Կիրստեն Ստյուարտը:
Առանձնահատուկ պատվի կարժանանա ռեժիսոր Կլոդ Լելուշի «Տղամարդը և կինը» կուլտային ֆիլմը, որն այս տարի դառնում է ուղիղ 50 տարեկան: Կես դար առաջ ֆիլմը ցուցադրվել է հենց Կաննի կինոփառատոնում՝ արժանանալով «Ոսկե արմավենու»:
