Իսպանական թիմերը ռեկորդ են սահմանել ՈՒԵՖԱ-ում

Իսպանական թիմերը եվրոգավաթների արդյունքում սահմանել են ռեկորդ ՈՒԵՖԱ-ում:

Լա լիգայի ներկայացուցիչ թիմերը եվրոգավաթային ընթացիկ մրցաշրջանում 23.375 միավոր են հավաքել: Այս արդյունքով նրանք գերազանցել են 2013/14 մրցաշրջանի արդյունքը՝ 23.000:

Միավորները դեռ կավելանան, քանի որ Չեմպիոնների լիգայի եզրափակչում մրցելու են իսպանական 2 թիմեր՝ «Ռեալն» ու «Ատլետիկոն», իսկ Եվրոպա լիգայի եզրափակչում «Լիվերպուլի» հետ հանդիպելու է «Սևիլիան»:

Սիրարփի Աղաբաբյան