Գերգիևն ու Ռոլդուգինը համերգ են տվել Պալմիրայի ավերակների հարևանությամբ
Մարինյան թատրոնի նվագախումբը՝ դիրիժոր և գեղարվեստական ղեկավար Վալերի Գերգիևի ղեկավարությամբ, համերգ է տվել Սիրիայի Պալմիրա քաղաքի ավերակների հարևանությամբ, հայտնում է BBC-ի ռուսական ծառայությունը:
Սիմֆոնիկ նվագախումբը, որի կազմում հանդես է եկել նաև թավջութակահար Սերգեյ Ռոլդուգինը, հանդես է եկել հնագույն ամֆիթատրոնում:
Հիշեցնենք, որ մարտին Պալմիրան ազատագրվել էր ծայրահեղական ԴԱԻՇ խմբավորումից սիրիական զինված ուժերի կողմից:
Սերգեյ Ռոդուլգինը ՌԴ նախագահ Վլադիմիր Պուտինի վաղեմի ընկերն է ու նրա ավագ դստեր կնքահայրը: Նրա անունը հիշատակվել է նաև Հետաքննող լրագրողների միջազգային կոնսորցիումի (ICIJ) նյութերում, որի համաձայն՝ երաժիշտը ունի երկու օֆշորային ընկերություն և հեղինակն է մի շարք կասկածելի գործարքների:
