Նարեկ Հախնազարյանը ելույթ կունենա Սիդնեյի օպերային թատրոնում
Ճանաչված թավջութակահար Նարեկ Հախնազարյանը Սիդնեյի օպերային թատրոնում ելույթ կունենա Սիդնեյի սիմֆոնիկ նվագախմբի հետ: Այս մասին երաժիշտը տեղեկացրել է իր ֆեյսբուքյան էջում: Համերգները տեղի կունենան մայիսի 4-ին, 6-ին և 7-ին:
sydneyoperahouse.com-ը տեղեկացնում է, որ համերգային ծրագրերում ընգրկված են Չայկովսկու, Շոստակովիչի և Ստենհոուպի ստեղծագործությունները: Նարեկ Հախնազարյանը կներկայացնի վերջինիս Թավջութակի կոնցերտը (համաշխարհային պրեմիերա):
