Բելգիան ներգաղթյալներին կպարտադրի ինտեգրվել բելգիական հասարակությանը
Բելգիայի կառավարությունը հավանության է արժանացրել օրենքի նախագիծը, որը ստիպում է ներգաղթյալներին պարտավորվել հարգել Բելգիայի իրավունքները, պարտականություններն ու ազատությունը, հայտնում է RTBF հեռուստաալիքը:
Համաձայն միգրացիայի հարցերով պետքարտուղար Թեո Ֆրանկենի առաջարկի՝ Եվրամիության թվին չպատկանող երկրներից ժամանած արտասահմանցիները, որոնք առաջին անգամ են ժամանում Բելգիա ավելի քան 3 ամիս ժամկետով, պետք է 30 օրում ստորագրեն նման պարտավորություն: Դրա համար նրանց կտրվի իրենց երկրի լեզվով հռչակագիր:
Պոտենցյալ ներգաղթյալները պետք է հայտնեն իրենց մտադրության մասին՝ ինտեգրվել Բելգիայի հասարակության կյանքին, ուսումնասիրել շրջանի լեզուն, որտեղ հաստատվում են ու աշխատանք որոնեն:
Եթե վերջիններս հրաժարվեն նման պարտավորություններ ստանձնել, ապա նրանց կարտաքսեն:
