Օլանդը հրաժարվել է քաղաքացիությունից զրկել ահաբեկչության համար դատապարտվածներին
Ֆրանսիայի նախագահ Ֆրանսուա Օլանդը հրաժարվել է սահմանադրական բարեփոխում անցկացնելու պլաններից, որը հնարավորություն պետք է տար Ֆրանսիայի քաղաքացիությունից զրկել ահաբեկչության համար դատապարտվածներին, հայտնում է BBC-ն:
Սահմանադրական բարեփոխումները, որոնք թույլ կտային ընդունել օրենքը, ներկայացվել էին 2015թ. նոյեմբերին Փարիզի ահաբեկչություններից անմիջապես հետո, որոնք խլել էին 130 մարդու կյանք:
Օլանդի խոսքով՝ իրեն պլաններից հրաժարվել ստիպել է ընդդիմությունը:
«Ընդդիմության մի մասը հանդես է եկել Սահմանադրության փոփոխությունների դեմ: Ես մերժում եմ այդ վերաբերմունքը»,- հայտարարել է Օլանդը նախարարների կաբինետի անդամների հետ հանդիպումից հետո:
«Ես որոշեցի այդ վեճին վերջ տալ»,- ասել է Օլանդը:
