ԱՄՆ ֆինանսների նախարարությունը բացատրել է Ռուսաստանի դեմ պատժամիջոցների նպատակը
Ռուսաստանի դեմ պատժամիջոցներն ուղղված են «իշխանության կենտրոնների դեմ, որոնք որոշումներ են կայացնում», հայտարարել է ԱՄՆ ֆինանսների նախարար Ջեյքոբ Լյուն: Այս մասին հայտնում է Reuters-ը:
Ամերիկացի նախարարն ընդգծել է, որ տնտեսական պատժամիջոցները հզոր քաղաքական զենք են, որի հետ հարկավոր չէ վարվել թեթևամտորեն:
«Մենք չպետք է հրաժարվենք պատժամիջոցների կիրառումից այն բանի պատճառով, որ դրանք դանդաղեցնում են տնտեսական աճը»,- նշել է նա:
Լյուն հավելել է, որ ԱՄՆ-ը պետք է չեղյալ հայտարարի այն երկրների դեմ պատժամիջոցները, որոնք փոխում են իրենց քաղաքականությունը: Որպես օրինակ նա բերել է Թեհրանի նկատմամբ պատժամիջոցների չեղարկումը՝ կապված իրանական միջուկային ծրագրի սահմանափակման հետ:
