«Գերմանիայի հավաքականի ֆուբոլիստները գերազանց աշխատանք կատարեցին». Յոահիմ Լյով
Գերմանիայի հավաքականի գլխավոր մարզիչ Յոահիմ Լյովն ամփոփել է Իտալիայի հավաքականի հետ անցկացրած ընկերական խաղը: Հանդիպումը, որը կայացավ Մյունխենում, ավարտվեց տանտերերի հաղթանակով` 4:1 հաշվով:
«Գերմանիայի հավաքականի ֆուտբոլիստները գերազանց աշխատանք կատարեցին: Կարծում եմ, որ մենք շատ խելացի գործեցինք ամբողջ խաղի ընթացքում: Գոհ եմ նրանից, թե ինչպես ֆուտբոլիստները կատարեցին իրենց առջև դրված խնդիրները: Կնշեմ Տոնի Կրոսին և Մեզութ Օզիլին, ովքեր փայլուն խաղացին դաշտի կենտրոնում»,- Լյովի խոսքերն է մեջբերում գերմանական ֆուտբոլային միության պաշտոնական կայքը:
Պատրաստեց Անի Գաբուզյանը
