Բրիտանիայում կատուն 8 օր անցկացրել է ծանրոցում և ողջ մնացել
Բրիտանիայի Արևմտյան Սուսսեքս կոմսությունում Քափքեյք անունով սիամական կատուն փոստային ծանրոցով ճամփորդույթուն է կատարել: Կատուն 8 օրում անցել է 420 կմ ճանապարհ: Այդ մասին, գրում է BuzzFeed News-ը:
Ծանրոցը սխալմամբ հասել է մի մարդու, ով DVD էր պատվիրել: Փաթեթում հայտնաբերված կատվին նա փոխանցել է The Royal Society for the Prevention of Cruelty կազմակերպության կենդանապաշտմաններին:
Զննումից հետո բժիշկները հայտնել են, որ փոխադրման ընթացքում կենդանին չի տուժել, բայց խիստ ջրազրկվել է: Առկա միկրոչիպի միջոցով նրանք գտել են կատվի տերերի տվյալներն ու կապ հաստատել նրանց հետ:
Կատվի տիրուհին՝ Ջուլիա Բեգգոտը պատմել է, որ ողջ ընթացքում քաղաքով մեկ փնտրում էր իր կենդանուն: Պարզվում է՝ սկավառակները փաթեթավորելիս նա չի նկատել, թե ինպես է կատուն մտել տուփի մեջ: Կնոջ խոսքերով՝ նա իրեն սարսափելի վատ է զգում տեղի ունեցածի պատճառով, իսկ կատվի վերադարձը համարում է հրաշք:
