Անօդաչուից տեսախցիկով նկարահանել են ազատագրված Պալմիրան
Անօդաչու սարքից տեսախցիկով նկարահանել են «Իսլամական պետության» զինյալներից ազատագրումը Սիրիայի հին քաղաքը՝ Պալմիրան:
Երկրի կառավարությունը եւ միջազգային հանրակցությունը պլանավորում են լայնածավալ աշխատանքներ իրականացնել ավերված հուշարձանների վերականգնման ուղղությամբ:
Ավելի վաղ ՄԱԿ-ի գլխավոր քարտուղար Պան Գի Մունը հայտարարել է, որ ահաբեկիչների խմբավորումից Սիրիայի Պալմիրա հնագույն քաղաք ազատումը երջանիկ իրադարձություն է եւ կարեւոր է քաղաքի մշակութային արժեքների պահպանման համար: Նա հույս է հայտնել, որ Սիրիայի իշխանություններին կհաջողվի վերականգնել մշակութային ժառանգության օբյեկտը:
Սիրիական բանակը եւ «Անապատի բազեներ» աշխարհազորի մարտիկները մարտի 27-ին «Իսլամական պետություն» ահաբեկչական խմբավորումից ամբողջությամբ ազատել են Պալմիրան:
Պալմիրան, որի հնագույն ավերակները Սիրիայում ՅՈՒՆԵՍԿՕ-ի համաշխարհային ժառանգության վեց օբյեկտներից մեկն է, ԻՊ-ի հսկողության տակ էր գտնվում 2015 թվականի մայիսից:
