Ոստիկանությունն ավարտել է պայթյունների հետաքննությունը Բրյուսելի օդանավակայանում
Բելգիայի ոստիկանությունը, որը հետաքննում էր Բրյուսելի օդանավակայանում պայթյունները, ավարտել է աշխատանքները դեպքի վայրում, հայտնում է BBC-ն:
Հիշեցնենք, որ Բրյուսելի միջազգային օդանավակայանում և մետրոյում պայթյունները խլել են 28 մարդու կյանք: Ավելի վաղ հայտարարված 31 թվի մեջ ներառվում էին նաև 3 մահապարտ ահաբեկիչները:
Նախնական քննության արդյունքում օդանավակայանի տերմինալի գլխավոր շինությունը ճանաչվել է ամրությունը պահպանած: Բելգիայի ոստիկանությունը երեկ 13 ստուգայցերի ընթացքում ձերբակալել ու հարցաքննել է 9 մարդու, որից 5-ին արդյունքում բաց է թողել:
Երեկ Բրյուսելում պետք է տեղի ունենար այսպես կոչված Երթ վախի դեմ ակցիան, սակայն դրա կազմակերպիչները որոշել են այն ավելի ուշ անցկացնել՝ ելնելով անվտանգության նկատառումներից:
