Ռոբերտո Կառլոսը կգլխավորի Դեյվիդ Բեքհեմի MLS-ի նոր ակումբը

Դեյվիդ Բեքհեմը բազմաթիվ թեկնածուներ ունի նոր ակումբի կազմի համար, բայց գլխավոր մարզչի հարցը արդեն հավանական է, որ լուծված է: Ինչպես հայտնի է դարձել AS-ին, անգլիացին պայմանավորվել է «Ռեալի» իր նախկին խաղընկերոջ Ռոբերտո Կառլոսի հետ:

Կառլոսը և Բեքհեմը մադրիդյան ակումբի կազմում միասին հանդես են եկել 2003-2007թթ. և այն ժամանակվանից պահպանել են ընկերական հարաբերությունները: Բրազիլացին մարզչի դերում առաջին անգամ իր ուժերն է փորձել Մախաչկալայի «Անժիում» 2012թ., և այդ պահից նա արդեն հասցրել է մարզել 4 թիմ:

Տվյալ պահին Ռոբերտո Կառլոսը կատարում է հնդկական «Դելի Դայնամոսի» խաղացող մարզչի դերը:

Դեյվիդ Բեքհեմի ակումբը կտեղակայվի Մայամիում: Նրա դեբյուտը MLS-ում կկայանա 2018թ.-ին:

Պատրաստեց Անի Գաբուզյանը