Բրիտանացի զույգն ամուսնացել է ահռելի սառցադաշտի մեջ
Բրիտանական զույգը՝ 41-ամյա Էնթոնի Լին և 36-ամյա Մերի Ջոնս Լին, ամուսնացել են Իսլանդիայի ահռելի սառցադաշտի մեջ, հայտնում է The Daily Mail-ը:
Հաղորդվում է, որ հարսանեկան արարողությունը կայացել է 40 մետր խորության վրա՝ ըստ Ցելսիուսի -2 աստիճան պայմաններում: Արարողությանը ներկա է եղել ընդամենը 19 հյուր:
Հարսանեկան արարողության անցկացման վայր է ընտրվել Լաունգյեկյուդլ սառցադաշտը, որի ներսում կա ոչ մեծ մատուռ:
Պարբերականը հայտնում է, որ օրիգինալ հարսանեկան արարողության արժեքը, հաշվի առնելով թռիչքի ծախսերը, կազմել է 9 հազար ֆունտ ստեռլինգ:
The Daily Mail-ի տվյալով՝ Լաունգյեկդյուդլն այսօրվա դրությամբ Եվրոպայում մեծությամբ երկրորդ սառցադաշտն է:
