«Ես հաղթում եմ քաղցկեղին 2:0, բայց խաղը դեռ չի ավարտվել». Յոհան Կրոյֆի վերջին մտքերից մեկը

Մարտի 24-ին 69 տարեկան հասակում մահացավ լեգենդար հոլանդացի ֆուտբոլիստ և մարզիչ Յոհան Կրոյֆը: Լեգենդար հոլանդացին երկար ժամանակ բուժվում էր քաղցկեղից, բայց այդպես էլ չկարողանալով հաղթահարել հիվանդությունը՝ մահացավ Բարսելոնայում:

Առաջարկում ենք Ձեզ վերհիշել Կրոյֆի կարիերայի ընթացքում հնչեցրած բոլոր հետաքրքիր մտքերը:

1. Տեխնիկան գնդակով 1000 անգամ հնարքներ անելը չէ: Շատ աշխատանքի արդյունքում բոլորը կարող են անել դա: Նույն հաջողությամբ դուք կարող եք աշխատել կրկեսում: Իրական տեխնիկան գնդակը մեկ հպումով և ուղիղ թիմակցի ոտքին փոխանցելու կարողությունն է:

2. Ընտրեք դիրքի լավագույն խաղացողին և դուք կստանաք իր ամպլուայում խաղացող հրաշալի ֆուտբոլիստների կազմ, բայց ոչ երբեք՝ բոլոր ժամանակների լավագույն թիմը:

3. Իմ թիմում դարպասապահն առաջին հարձակվողն է, իսկ հարձակվողը՝ առաջին պաշտպանը:

4. Ես նախկին ֆուտբոլիստ եմ, նախկին տեխնիկական տնօրեն, նախկին մարզիչ, նախկին գործակալ, նախկին պատվավոր նախագահ: Այս ցուցակը հիմնավորում է այն, որ ամեն ինչ ունի վերջ:

5. Կա միայն մեկ ճիշտ ժամանակ: Եթե դա այդպես չէ, ապա կամ դեռ  շատ շուտ է, կամ էլ ժամանակը վաղուց անցել է:

6. Ֆուտբոլ խաղալը հեշտ է, բայց հեշտ ֆուտբոլ խաղալը՝ չափազանց բարդ:

7. Եթե ես ցանկանայի, որ դուք հասկանայիք, ես ավելի պարզ կպատմեի:

8. Խաղից հաճույք պետք է ստանա թե՛ հանդիսականը, թե՛ ֆուտբոլիստը:

9. Եթե իտալացիներին մեկ հնարավորություն տաս` նրանք 2 անգամ գոլ կխփեն:

10. Ես հաղթում եմ քաղցկեղին 2:0, բայց խաղը դեռ չի ավարտվել:

Սիրարփի Աղաբաբյան