Բրյուսելում կրկին պայթյուն է որոտացել հատուկ գործողության իրականացման վայրում
Բրյուսելի Սկարբեկ շրջանում ոստիկանների կողմից իրականացվող գործողությունների տարածքում, որը մոտ է մասնագետների կողմից ականազերծման աշխատանքների վայրին, երրորդ պայթյունն է որոտացել: Ինչպես հայտնում է РИА Новости-ն` RTBF հեռուստալիքի թղթակիցը տեղեկացրել է, որ առաջին երկու պայթյունները հնչել են մեկ րոպեի տարբերությամբ ուժային գործողությունների հենց սկզբում, որն իրականացվում է հատուկ նշանակության ոստիկանների ու զինվորականների մասնակցությամբ:
Ըստ հեռուստալիքի տվյալների` մի մարդ է չեզոքացվել, մյուսն էլ` ձերբակալվել է: Բայց այդ տեղեկատվությունը դեռ չի հաստատվել:
