Բրյուսելի ահաբեկչության տասնյակ տուժածներ գտնվում են ծայրահեղ ծանր վիճակում
Բրյուսելի ահաբեկչությունների տասնյակ տուժածներ գտնվում են ծայրահեղ ծանր վիճակում, հայտարարել է Բելգիայի առողջապահության նախարար Մագի դե Բլոկը, հայտնում է BBC-ն:
Վերջին տվյալների համաձայն՝ Բրյուսելում մարտի 22-ին տեղի ունեցած պայթյունների հետևանքով զոհվել է 31 մարդ, տարբեր աստիճանի վնասվածքներ է ստացել մոտ 300 մարդ:
Տուժածների թվում կա 40 երկրի քաղաքացի: Բելգիայի տարբեր քաղաքների հիվանդանոցներում դեռ մնում է 150 մարդ, որից 61-ի վիճակը ծայրահեղ ծանր է, 4 մարդ գտնվում է կոմայում ու մինչ օրս նրանց ինքնությունը դեռ հայտնի չէ:
Բազմաթիվ հիվանդներ ստացել են այրվածքներ ու վնասվածքներ, որոնք բնորոշ են մարտական գործողությունների մասնակիցներին: Մագի դե Բլոկը ենթադրում է, որ ահաբեկչությունների զոհերի թիվը մոտ օրերս կարող է ավելանալ:
