Բրյուսելի օդանավակայանը մինչև մարտի 24-ը փակ կլինի
Բրյուսելի օդանավակայանը, որտեղ նախօրեին երկու պայթյուն էր տեղի ունեցել, փակ կլինի մինչև մարտի 24-ը, հայտնում է Reuters-ը:
Ինչպես հաղորդվում էր, ահաբեկչությունների ենթադրյալ իրականացնողները կարող էին թաքցնել դետոնատորները ձեռնոցների մեջ: Բելգիայի պաշտպանության նախարարությունում աղբյուրի խոսքով՝ լուսանկարներում, որոնք ստացվել էին օդանավակայանի տեսահսկման սարքերի օգնությամբ, երևում է, որ երկու ենթադրյալ հանցագործները կրել են մեկական ձեռնոց: Դրանց տակ կարող էին թաքնված լինել դետոնատորները:
Հիշեցնենք, որ Բրյուսելի օդանավակայանում ու մետրոյում 3 պայթյուն է որոտացել: Հայտնի է, որ ահաբեկչություններին զոհ է գնացել 31 մարդ, ևս 250-ն ստացել է վնասվածքներ:
