Apple-ը ներկայացրել է iPhone SE-ն

Apple ընկերությունն իր հերթական միջոցառում-ցուցադրության ժամանակ ապրանքանիշի երկրպագուներին է ներկայացրել միանգամից մի քանի նորույթ:

Ընկերությունը մշակել է Liam ռոբոտներ, որոնք նախատեսված են iPhon-նները մասնատելու և վերամշակման պատրաստելու համար: Ներկայացվել են նաև Apple Watch-երի նոր թարմացումներն ու աքսեսուարները: Միջոցառման նորություններից է նաև iPad Pro-ն: iPad Air 2 շարքի մոդելը ավելի փոքր iPad pro է և նման չէ Air շարքին:
Սակայն միջոցառման գլխավոր նորույթը iPhone հեռախոսների նոր մոդելի ներկայացումն էր: Նոր հեռախոսն iPhone SE-ն է, որը դիզայնով և ծրագրային թարմացումներով շատ նման է iPhone 5s-ին:

Նոր հեռախոսը կթողարկվի 4 գույնով՝ արծաթագույն, մոխրագույն, ոսկեգույն և վարդագույն երանգներով:

iPhone SE-ն կունենա A9 պրոցեսոր և M9 օժանդակ պրոցեսոր: Իր ֆունկցիոնալությամբ նա շատ նման է iPhone 6s-ին: Նմանությունները հեռախոսի շարքի 6-րդ մոդելին շատ են: Նույնն է տեսախցիկի հզորությունը: Հեռախոսը iPhone 6s-ի նման ունի 3D թաջ համակարգ:

Տեսախցիկն ունի 12 մեգապիքսել սենսոր և 4K տեսանկարահանման հնարավորություն: Սա նույն տեսախցիկն է, ինչ iPhone 6s և 6s Plus-ինը:
Նոր մոդելը հարմար կլինի գիշերային օգտագործման համար, քանի որ մշակվել է էկրանի լուսավորության նոր սկզբունք, ըստ որի՝ լուսավորության գիշերային ռեժիմը կլինի ավելի ճկուն և անվտանգ:iPhone SE-ն կարժենա 399 կամ 499 դոլար՝ կախված մոդելի հիշողությունից:

Սիրարփի Աղաբաբյան