Սահմանամերձ Ոսկեպարում դղյակներ են կառուցել, որ հիմա դատարկ են
tesankyun.am. Ոսկեպար-Կիրանց շրջանցիկ ուղիով երթեւեկելիս ,միջպետական ավտոճանապարհի եզրին կարելի է տեսնել եռահարկ շքեղ մի առանձնատուն, որի ներքին հարդարման աշխատանքները տարիներով չեն կատարվում, այնտեղ բնակվող չկա:
Սահմանամերձ Ոսկեպար գյուղում կան շուրջ մեկ տասնյակ շքեղ առանձնատներ , որոնք անբնակ են: 1990-ական թվականներին դրանք կառուցել են ռուսաստանաբնակ ոսկեպարցիները,որոնցից շատերի գործերը նախկինի նման բարվոք չեն: Չհայտարարված պատերազմի ժամանակ սխրանքներ գործած Ոսկեպարի բնակիչների մի զգալի մասը հիմնական բնակություն է հաստատել Ռուսաստանի Բելգորոդի մարզի Ստարի Օսկոլ քաղաքում, որին կատակով Նոր Ոսկեպար են կոչում:
Ամեն տարի, օգոստոսի առաջին կիրակի օրը, երբ ոսկեպարցիները տոնում են Վարդավառը, ռուսաստանաբնակ ոսկեպարցիները կարճ ժամանակով հայրենի գյուղ են վերադառնում:
1981թ. Ոսկեպարի ութամյա դպրոցն ուներ 306 աշակերտ, այժմ գյուղի միջնակարգ դպրոցի աշակերտների թիվը դրանից շուրջ 5 անգամ պակաս է:
