Թուրքիայում զրահամեքենա են պայթեցրել, կան զոհեր
«Քրդական աշխատավորական» կուսակցության ներկայացուցիչները Թուրքիայի հարավարևելյան Նուսայբին քաղաքում պայթեցրել են զինվորականներով զրահամեքենա, ինչի հետևանքով 3 զինծառայող սպանվել է, 1 ոստիկան մահացել է քաղաքում ականապատ ռումբի վնասազերծման ժամանակ, հայտնում է IHA գործակալությունը:
Զինվորականները մահացել են տեղում, ոստիկանը ծանր վնասվածքներ է ստացել, ավելի ուշ՝ մահացել հիվանդանոցում:
Ավելի վաղ Թուրքիայի հարավարևելյան 7 քրդաբնակ նահանգներում պարետային ժամ էր հայտարարվել ու սկսվել էր հակաահաբեկչական օպերացիա:
