Կոլումբիայի ամենագեր մարդուն կլինիկա են տեղափոխել հրշեջ մեքենայով
Կոլումբիայի ամենագեր մարդուն՝ Օսկար Վասկես Մորալեսին, քաշը նվազեցնելու համար կլինիկա են տարել հրշեջ մեքենայով: Պալմիրա քաղաքի 400 կիլոգրամանոց բնակչին ավտոմեքենա են բեռնել 20 տղամարդ, տեղեկացնում է The Daily Mail-ը:
44-ամյա կոլումբիացուն շտապ բուժօգնություն Էր պահանջվել, բայց նա չի կարողացել ինքնուրույն դուրս գալ տնից: Տեղի բարեգործական կլինիկա նրա ժամանելուց հետո մասնագետների խմբին հաջողվել Է նորմալացնել Մորալեսի վիճակը, որը վատացել էր ճարպակալման պատճառով:
Պալմիրայի բնակիչը պետք է հետազոտություններ անցնի դիետոլոգի, հոգեբանի, թերապեւտների եւ գաստրովիրաբույժների մոտ: Նա հույս ունի չորս տարվա ընթացքում կորցնել 300 կիլոգրամ, որպեսզի վերադառնա նորմալ կյանքի: «Երբ իմ ընտանիքը որեւէ տեղ է գնում, ես տանը մենակ եմ մնում, որովհետեւ չեմ կարողանում տեղաշարժվել: Ես շատ կցանկանայի գոնե մի քանի թաղամաս անցնելու հնարավորություն ունենալ՝ եղբայրներիս տեսնելու համար»,-ասել է Մորալեսը: Նրա խոսքով՝ ավելորդ քաշի հետ կապված խնդիրն սկսվել Է, երբ ինքը ընկճախտի մեջ է ընկել ծնողների մահից հետո:
