Խաչիկում կենդանու կողմից հոշոտված է 75-ամյա կնոջ վիճակը ծանր է
Վայոց Ձորի մարզի Խաչիկ համայնքում կենդանու կողմից հոշոտված քաղաքացին 75-ամյա կին է: Այս մասին 168.am-ի հետ զրույցում ասաց Խաչիկ համայնքի ղեկավար Վարդան Ներսիսյանը՝ նշելով, որ կնոջ վիճակը ծանր է, նա գտնվում է Եղեգնաձորի հիվանդանոցում, սակայն հնարավոր է՝ տեղափոխվի Երևան:
Դեպքն, ըստ համայնքի ղեկավարի, տեղի է ունեցել տան տարածքում՝ մառանի մոտ: Կինը վնասվածքներ ունի դեմքի աջ հատվածում: Առայժմ հստակ չէ, թե ինչ կենդանի է հարձակվել կնոջ վրա։ Ըստ նախնական վարկածի՝ դա եղել է գայլ։
