Մխիթարյանը չի հերքել «Յուվենթուս» տեղափոխվելու հավանականությունը
Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը Gazzeta dello Sport-ին տված հարցազրույցում խոսել է իր ապագայի և Եվրոպա լիգայի ¼-րդ եզրափակչի մասին:
«Ամեն ինչ հնարավոր է կյանքում: Երբեք չես կարող իմանալ: Այդ պատճառով ես ոչինչ չեմ ասի «Յուվենթուսի» կամ այլ թիմերի մասին: Կտեսնենք՝ ինչ կլինի այս ամռանը»,- նշել է Մխիթարյանը:
Հայտնի պարբերականը եզրակացություն է արել, որ Մխիթարյանը կարող է հարմարվել թուրինցիների խաղին: Ըստ մարզական վերլուծաբանների՝ նա կարող է լինել Պիռլոյի փոխարինողը:
Սիրարփի Աղաբաբյան
