«Դորտմո՞ւնդը: Իհա՛րկե ոչ». Յուրգեն Կլոպը՝ վիճակահանությունից առաջ
Գերմանացին ընդհանրապես ցանկություն չուներ հանդիպել նախկին թիմին:
«Դորտմո՞ւնդը: Իհա՛րկե ոչ: Ինչո՞ւ ես պետք է ցանկանամ հանդիպել հաջորդ ռաունդում մրցաշարի ուժեղագույն թիմի հետ: Ես այդքան էլ հիմար չեմ:
Բայց եթե այդպես պատահի, մենք կաշխատենք հաղթել: Վստահ եմ, որ Եվրոպայի լիգայում հեշտ խաղեր չեն լինի: Այնպես որ, մենք պետք է պատրաստ լինենք»,- Կլոպի խոսքերն է մեջբերում Liverpool Echo-ն:
«Լիվերպուլը» կհանդիպի «Բորուսիայի» հետ Եվրոպայի լիգայի քառորդ եզրափակչում: Առաջին խաղը կկայանա Դորտմունդում, ապրիլի 7-ին, երկրորդը` Լիվերպուլում, ապրիլի 14-ին:
Յուրգեն Կլոպը ղեկավարել է «Բորուսիան» 2008թ.-ից մինչև 2015թ.-ը: Դորտմունդցիների հետ նա երկու անգամ հաղթել է Գերմանիան առաջնությունը և մեկ անգամ եղել է Չեմպիոնների լիգայի եզրափակչում:
Պատրաստեց Անի Գաբուզյանը
