Ճապոնացի հետազոտողներն աճեցրել են մարդու մինի-լյարդ, որը կարելի է պատվաստել հիվանդներին
Ճապոնիայի Յոկոհամայի համալսարանի հետազոտողները հաջողությամբ ստեղծել են մի քանի միլիմետր չափով մինի-լյարդ, որը լիովին կրկնորդում է մարդու լյարդի գործառույթները: Մասնագետներն այն աճեցրել են մակածված ցողունային բջիջներից, որոնք զարգացման գործընթացում կարող են փոխակերպվել տարբեր ներքին օրգանների, տեղեկացնում է NHK հեռուստաալիքին:
Հետազոտական խմբի ղեկավար պրոֆեսոր Հիդեկի Տանիգուտիի խոսքով՝ աճեցված մինի լյարդը վնասակար նյութերն նույնքան արդյունավետորեն Է վերամշակում, որքան եւ մարդու իսկական լյարդը: Նա նաեւ հաջողությամբ սպիտակուցներ է արտադրում, որոնք անհրաժեշտ են արյան համար:
Հետազոտողների խումբը պլանավորում է 2019 թվականից սկսել իր մշակման կլինիկական փորձարկումները: Նրանք, մասնավորապես, մտադիր են նման մինի օրգաններ պատվաստել լյարդի ծանր հիվանդություններ ունեցող մարդկանց դրա գործառույթները պահպանելու համար, հաղորդել է ՏԱՍՍ-ը:
