Վրաստանի խորհրդարանի պատգամավորները «ռազբորկա» են սարքել նիստի ժամանակ
Վրաստանի խորհրդարանի նիստն այսօր աչքի է ընկել նախկին իշխող «Միացյալ ազգային շարժում» և իշխող «Վրացական երազանք» կոալիցիայի պատգամավորների նոր կռվով, հայտնում է «Գրուզիա օնլայնը»:
Քաշքշուկն սկսվել է «Ազգային շարժում» կուսակցության պատգամավոր Նուգզար Ցիկլաուրիի հայտարարությունից հետո, ով ասել է, որ իշխանությունները կրախի են մատնվել անօրինական գաղտնալսումների դեմ պայքարում: Այդ հայտարարությունը հարուցել է մեծամասնությունը ներկայացնող պատգամավոր Նուկրի Կանտարիայի դժգոհությունը:
Պատգամավորները որոշել են հարցերը լուծել հենց նիստերի դահլիճում՝ նստելով առանձին:
Ավելի ուշ Ցիկլաուրիի ու Կանտարիայի «ռազբորկան» վերաճել է այլ պատգամավորների հակամարտության, սակայն կռիվը չի շարունակվել մյուս խորհրդարանականների միջամտությունից հետո:
Վրաստանի խորհրդարանի նախորդ նիստում ևս կռվել էին «Միացյալ ազգային շարժում» և իշխող «Վրացական երազանք» կոալիցիայի անդամները:
