Նյարդային բջիջները կհաղթեն ճարպակալմանը
ԱՄՆ-ի Ջոն Հոփքինսի համալսարանի գիտնականները մկների մոտ հայտնաբերել են նյարդային բջիջներ, որոնք պատասխանատու են ուտելու ցանկությունը զսպելու համար: Ինչպես պնդում են հետազոտողները, աշխատանքի արդյունքները կարող են օգնել մշակելու ճարպակալման դեմ պայքարի նոր մեթոդներ: Հոդվածը հրապարակվել է մարտի 18-ին Science հանդեսում:
«Երբ մեր կողմից հայտնաբերված՝ ուղեղի բջիջները գրգռվում են եւ ուղարկում ազդանշաններ, մեր լաբորատորային մկները դադարում են ուտելուց,- պատմել է հետազոտության հեղինակներից մեկը՝ Ռիչարդ Յուգանիրը:- Այդ ազդանշանները կարծես ասում են, թե կենդանին կուշտ է»:
