«Դա «Լիվերպուլի» և Դե Խեայի հակամարտությունն էր». Յուրգեն Կլոպ
«Լիվերպուլի» գլխավոր մարզիչ Յուրգեն Կլոպը կիսվել է Եվրոպայի լիգայի 1/8 եզրափակչում «Մանչեսթեր Յունայթեդի» հետ անցկացրած պատասխան խաղից ստացած տպավորություններով (1:1):
«Խաղը շատ դասական և լարված ստացվեց: Կարելի էր զգալ տեղական մթնոլորտը:
Մրցակիցը ցանկանում էր ագրեսիվ խաղ ցուցադրել, բայց մենք շատ պահեր ստեղծեցինք: Դա «Լիվերպուլի» և Դե Խեայի հակամարտությունն էր: Նա նորից ֆանտաստիկ էր խաղում:
Մենք անհավանական իրավիճակում գոլ խփեցինք: Դրանից հետո խաղը փոխվեց:
Ազնվորեն ասած, վատ չխաղացին Լովրենը և Սաքոն: Նրանք հիասքանչ էին և ճիշտ որոշումներ էին կայացնում պաշտպանությունում»,- ասել է Կլոպը:
Պատրաստեց Անի Գաբուզյանը
