Թուրքիայում ահաբեկչություն է կանխվել. ԶԼՄ-ներ
Թուրքիայի արևելյան Թունջելի նահանգում խոշոր ահաբեկչություն է կանխվել, գրում է թուրքական Sabah թերթը:
Նահանգում անցկացված ոստիկանական հատուկ օպերացիայի ընթացքում հայտնաբերվել է 650 կգ պայթուցիկ, որով ականապատված է եղել ավտոմայրուղու ճանապարհահատվածը:
Թերթը, հղում կատարելով իրավապահ մարմիններին, գրում է, որ ահաբեկչությունը պլանավորվել է «Քրդական աշխատավորական» կուսակցության (PKK) կողմից:
Օրերս Թուրքիայի ոստիկանությունը հայտնել է այն մասին, որ PKK-ն պլանավորում է մարտի 20-30-ը մի շարք ահաբեկչություններ իրականացնել երկրի խոշոր քաղաքներում:
