Թուրքիայում անվտանգության միջոցառումներն ուժեղացվել են
Թուրքիայի իշխանությունները ուժեղացրել են Անկարայում ու Ստամբուլում անվտանգության միջոցառումները: Այս մասին հայտարարել է Թուրքիայի վարչապետ Ահմեդ Դավութօղլուն:
«Վստահ եղեք, որ Անկարայում ու Ստամբուլում ձեռնարկվել են անվտանգության միջոցառումներ: Ահաբեկիչները ցանկանում են մեզ հաղթել, փոխել առօրյա կենսակերպը, ստեղծել քաոս, սակայն մենք դա նրանց թույլ չենք տա: Մենք կշարունակենք ձեռնարկել լայնամասշտաբ միջոցառումներ ահաբեկչությանը հակազդելու համար»,- նրա խոսքերը մեջբերում է թուրքական NTV հեռուստաալիքը:
