ԴԱԻՇ-ը շուրջ 1 տարում կորցրել է գրավյալ տարածքների 22%-ը
Նոր տվյալները վկայում են այն մասին, որ ԴԱԻՇ-ը վերջին 14 ամսում կորցրել է վերահսկողությունը Սիրիայում ու Իրաքում գրաված տարածքների 22%-ը, հայտնում է BBC-ն:
HIS ընկերության գնահատմամբ՝ ԴԱԻՇ-ի ընկերությունները զրկվել են նաև իրենց եկամուտների 40%-ից, որոնց մեծ մասը կապված է եղել նավթի մաքսանենգության հետ:
Բրիտանական հետախուզական ծառայությունների տվյալով՝ Բրիտանիայից կրճատվել է նաև Սիրիա կամավոր մեկնող ջիհադիստների հոսքը:
Դիտորդների կարծիքով՝ այդ կորուստները, ինչպես նաև փաստը, որ վերջին ամիսներին ԴԱԻՇ-ի մի քանի ղեկավար է սպանվել կամ պատանդ վերցվել, թուլացնում են ջիհադիստների քարոզչության ազդեցությունը:
HIS-ի նախորդ զեկույցի հրապարակումից 3 ամիս անց ԴԱԻՇ-ը կորցրել է ավելի վաղ գրաված տարածքների ևս 8%-ը: Տարածքների կորուստը հանգեցնում է նաև ֆինանսական դժվարությունների, որոնց ավելի են բախվում ջիհադիստները:
