Թմրամիջոց՝ առաստաղի գաղտնարանում
Ոստիկանության Արարատի բաժնի ծառայողները մի քրեական գործի շրջանակներում խուզարկություն են կատարել 1970 թ. ծնված Կարապետ Փ.-ի բնակարանում և կից օժանդակ կառույցներում:
Արդյունքում՝ նկուղի բետոնե առաստաղի կենտրոնական հատվածում գտնվող անցքի մեջ, պոլիէթիլենային թաղանթում, հայտնաբերվել է կանեփի չորացված զանգված:
Կարապետ Փ.-ն հայտարարել է, որ թմրանյութն իր օգտագործման համար է:
Հայտնաբերվածն ուղարկվել է փորձաքննության:
Քննությունը շարունակվում է:
