«Երիտասարդ ընտանիքին՝ մատչելի բնակարան» ծրագրից օգտվողների շրջանակն ընդլայնվելու է
ՀՀ կառավարությունն ընդլայնում է «Երիտասարդ ընտանիքին` մատչելի բնակարան» պետական նպատակային ծրագրից օգտվողների շրջանակը: Կառավարությունը պատրաստվում է մարտի 17-ի իր նիստում փոփոխություններ կատարել նախկին որոշման մեջ, որով ամուսինների տարիքային շեմի հանրագումարային «60» թիվը փոխարինվում է «65»-ով:
Բացի այդ, Երևանում ձեռք բերվելիք բնակարանի գնի առավելագույն սահմանաչափը 16 միլիոն դրամից բարձրացվելու է 25 միլիոնի:
Ծրագրի շրջանակում պետությունը սուբսիդավորում է երիտասարդ ընտանիքի բնակարանի ձեռք բերման վարկի տոկոսդրույքը, ինչի արդյունքում Երևանում բնակարանների համար վարկի տարեկան տոկոսադրույքը կազմում է 8-9 տոկոս, իսկ մարզերում` 6-7:
