Վրաստանի արտգործնախարարն աշխատանքային այցով մեկնել է ԱՄՆ
Վրաստանի ԱԳՆ ղեկավար Միխայիլ Ջանելիձեն այսօր աշխատանքային այցով մեկնել է ԱՄՆ, որտեղ հանդիպելու է ԱՄՆ պետքարտուղար Ջոն Քերիի ու իշխանության մյուս ներկայացուցիչների հետ, հայտնում է «Նովոստի Գրուզիան»՝ հղում կատարելով Վրաստանի ԱԳՆ մամուլի ծառայությանը:
«Նախարարը կհանդիպի ԱՄՆ պետքարտուղար Ջոն Քերիի հետ: Տեղի կունենան նաև բանակցություններ Սպիտակ տան, Սենատի ու Կոնգրեսի ներկայացուցիչների հետ: Նա նաև ելույթ կունենա ԱՄՆ Ատլանտյան խորհրդում»,- հայտնում է գործակալությունը:
Այցի շրջանակում Ջանելիձեն կհանդիպի նաև առաջատար գիտական կենտրոնների ու ոչ կառավարական կազմակերպությունների ներկայացուցիչների հետ:
