Թուրքիայում դատարանը Անկարայի ահաբեկչությունից հետո արգելել է մատչումը Facebook-ին ու Twitter-ին
Անկարայի դատարանը որոշում է կայացրել արգելել մատչումը Facebook-ին ու Twitter-ին և մյուս կայքերին այն բանից հետո, երբ ահաբեկչության լուսանկարները հայտնվել են սոցցանցերում: Այս մասին հայտնում է Reuters-ը՝ հղում կատարելով տեղի ԶԼՄ-ներին
Երկրի որոշ օգտատերեր պատմել են խնդիրների մասին, որոնք առաջանում են սոցցանցեր մուտք գործելիս:
Հիշեցնենք, երեկ Անկարայում հերթական ահաբեկչությունն է տեղի է ունեցել: Քաղաքի ավտոբուսի կանգառներից մեկում, որը գտնվում է Թուրքիայի վարչապետի աշխատավայրի մոտ` Գյուվեն այգու մոտակայքում, պայթյուն է որոտացել: Պայթյունի ժամանակ նշված տեղանքում մեծ թվով մարդիկ են եղել: Ամբողջությամբ այրվել է մեկ ավտոբուս: Զոհերի թիվը այս պահի դրությամբ հասել է 34-ի, 125 մարդ գտնվում է Անկարայի հիվանդանոցներում:
