Լևոն Մկրտչյանը կաթողիկոսի հետ քննարկել է «Հայ Եկեղեցու պատմություն» առարկայի ուսուցիչների վերապատրաստման խնդիրը
Գարեգին Բ Ամենայն հայոց կաթողիկոսը մարտի 13-ին, Մայր Աթոռ Սուրբ Էջմիածնում ՀՀ ԿԳ նախարար Լեւոն Մկրտչյանի հետ քննարկել է «Հայ Եկեղեցու պատմություն» առարկայի ուսուցիչների վերապատրաստման խնդիրը:
Մայր Աթոռի տեղեկատվական համակարգհաղորդմամբ` հանդիպմանը ներկա է եղել նաեւ Մայր Աթոռի Քրիստոնեական դաստիարակության կենտրոնի տնօրեն Գերաշնորհ Տ. Վարդան եպիսկոպոս Նացասարդյանը:
Ամենայն Հայոց Կաթողիկոսը, վստահություն է հայտնել, որ նորանշանակ նախարարը, քաջածանոթ լինելով ոլորտին, իր հարուստ փորձառությամբ կկարողանա օգտակար ծառայություն բերել կրթության ոլորտին:
Հանդիպմանն Ամենայն Հայոց Կաթողիկոսն անդրադարձել է Մայր Աթոռի եւ ԿԳՆ-ի միջեւ ձեւավորված սերտ համագործակցությանը: Այս առիթով Գարեգին Բ-ն իր գնահատանքը է փոխանցել նորանշանակ նախարարին, որի ղեկավարության նախորդ շրջանում էր «Հայ Եկեղեցու պատմություն» առարկան ներմուծվել հանրակրթական դպրոց:
Իր հերթին Լեւոն Մկրտչյանը նշել է, որ ինքը մեծապես արժեւորում է Հայ Եկեղեցու դերակատարությունը կրթական բնագավառում:
Զրոյցի ընթացքում անդրադարձ է կատարվել նաեւ կրթական ոլորտի բարեփոխումներին, «Հայ Եկեղեցու պատմություն» առարկայի ուսուցիչների վերապատրաստմանը, առկայ մարտահրավերներին ու դրանց կանխարգելման հրամայականներին:
