«Օբամեյանգը կմնա «Բորուսիայում»»
Դորտմունդի «Բորուսիայի» գլխավոր մարզիչ Թոմաս Տուխելը հայտարարել է, որ հարձակվող Պիեր-Էմերիկ Օբամեյանգը երջանիկ է Դորտմունդում, և ակումբը մտադիր է գաբոնցուն թիմում թողնել:
«Բոլորը պետք է հասկանան, որ Օբամեյանգը երկարաժամկետ պայմանագիր ունի «Բորուսիայի» հետ, և նա չի հեռանա թիմից: Պիեր-Էմերիկը երկարաձգել է պայմանագիրն ակումբի հետ, որովհետև նրան այստեղ հարմարավետ է: Նա հասկանում է, որ, գտնվելով այստեղ՝ կարող է զարգանալ և աճել՝ որպես ֆուտբոլիստ:
«Բորուսիան» գնում է դեպի իր առջև դրված նպատակները: Մենք ցանկանում ենք պահպանել կազմը, այնպես որ, մեր խնդիրն Օբամեյանգին պահելն է: Ես չեմ կարող տեսնել ապագան, բայց ես, որպես մարզիչ, շատ երջանիկ եմ, որ Օբամեյանգը երկարաժամկետ պայմանագիր ունի ակումբի հետ»,- ասել է Տուխելը:
Պատրաստեց Անի Գաբուզյանը
