Ինքնասպան է եղել բրիտանացի հայտնի կոմպոզիտոր, երաժիշտ Քիթ Էմերսոնը
Ինքնասպան է եղել բրիտանացի հայտնի կոմպոզիտոր, երաժիշտ Քիթ ԷմերսոնըԿյանքի 72-րդ տարում մահացել է կոմպոզիտոր, երաժիշտ Քիթ Էմերսոնը, հայտնում է CNN-ը:
Նրա մարմինը հայտնաբերվել է Լոս Անջելեսում գտնվող իր տանը: Կոմպոզիտորի ընտանիքին իրենց ցավակցություններն են հայտնել արդեն Emerson, Lake & Palmer խմբի երաժշտները, որի կազմում նա հանդես էր գալիս:
«Մենք ցավով հայտնում ենք, որ Քիթ Էմերսոնը մահացել է շաբաթ օրը Սանտա-Մոնիկայի իր տանը»,- ասվում է խմբի հայտարարության մեջ, որը հրապարակվել է Facebook-ի էջում:
Ավելի ուշ Սանտա-Մոնիկայի ոստիկանության ներկայացուցիչ Ռուդի Քամերենը հայտնել է, որ Էմերսոնն ինքնասպան է եղել:
Երաժիշտի երկրպագուները նրան համարում էին ռոք երաժշտության լեգենդ, ականավոր ստեղնահար: Նա սկսեց մեծ ճանաչում վայելել, երբ սկսեց նվագել The Nice և Emerson, Lake & Palmer խմբերում:
