Թուրքիայում հարձակվել են ոստիկանական զրահամեքենայի վրա. կան վիրավորներ

Թուրքիայի Նուսայբին քաղաքում անհայտ անձինք հարձակվել են ոստիկանական զրահամեքենայի վրա: Այս մասին տեղեկացնում է թուրքական Demokrathaber.net-ը:

Զրահամեքենայի վրա ինքնաշեն պայթուցիկ նետելու հետևանքով երկու ոստիկան վիրավորվել է: Ոստիկանները տեղափոխվել են հիվանդանոց: Հաղորդվում է, որ նրանց վիճակը ծանր չէ:

Թուրքական իրավապահ մարմինները գործողություններ են սկսել հարձակման մեղավորներին հայտնաբերելու նպատակով: