Չինաստանը պատրաստվում է էլեկտրաինքնաթիռներ թողարկել
ՉԺՀ-ի Քաղաքացիական ավիացիայի գլխավոր վարչությունը թույլատրել է Չինաստանում առաջին Էլեկտրաինքնաթիռի՝ RX1E-ի շահագործումը: Ինչպես տեղեկացնում է «Բենցզին ցինյան բաո» թերթը՝ ինքնաթիռը կարող է օդում անցկացնել մինչեւ 60 րոպե, թռիչքի արագությունը կազմում է ժամում 120 կիլոմետր:
«Ինքնաթիռն իդեալականորեն հարմար է օդաչուների ուսուցման եւ տեսարժան վայրերի շրջանների վրա զբոսանքների համար»,- նշել են Ruixiang պատրաստող ընկերությունում: Ներկայում շահագործվում են չորս մեքենաներ, մոտ ժամանակներս կհավաքվեն եւս 20-ը:
Սա արդեն նման կարգի առաջին մշակումը չէ: Ավելի վաղ Չինաստանի Yihang ընկերությունը ներկայացրել է առաջին անօդաչու քվադրոկոպտերը՝ մեկ ուղեւորի փոխադրման հեամար: Թռիչքային նախատիպը ցուցադրվել է Լաս Վեգասում՝ CES-2016 սպառողական էլեկտրոնիկայի ցուցահանդեսում:
