Որո՞նք են 4 ավետարանիչների խորհրդանիշերը
– Որո՞նք են 4 ավետարանիչների խորհրդանիշերը:
– Եկեղեցական ավանդության, որմնանկարչության, մանրանկարչության, խաչքարային արվեստում և հայրաբանական երկերում տարածված են 4 ավետարանիչների հետևյալ խորհրդանիշերը. Մատթեոսը` հրեշտակակերպ մարդ, Մարկոսը` առյուծ, Ղուկասը` եզ և Հովհաննեսը` արծիվ:
Այս սիմվոլները հիմնված են Եզեկիելի 1. 10 և Հայտնության 4. 7 համարների վրա:
Խորհրդանիշերի բացատրությունն այս է: Մատթեոսի խորհրդանիշը մարդն է, քանզի նրա Ավետարանը սկսում է Քրիստոսի մարդեղության` ծննդյան պատմությամբ: Մարկոսինն առյուծն է, քանզի նա իր Ավետարանի սկզբում առյուծաբար հայտարարում է, որ Հիսուս Աստծո Որդին է: Ղուկասինը եզն է, քանզի նրա Ավետարանը սկսում է Զաքարիայի` տաճարում զոհի պատրաստության պաշտամունքի նկարագրությամբ: Եվ վերջապես Հովհաննեսը նույնացվում է արծվի հետ, քանզի արծվաբար թռչելով` հայտարարում է Քրիստոսի Աստված լինելը:
armchurch.info
