«Ինչպե՞ս կասեցնել Մեսսիին. մնում է միայն աղոթել».Կելինի
«Յուվենթուսի» պաշտպան Ջորջո Կելինին խոսել է ժամանակակից ֆուտբոլի խնդիրների մասին: Կելինին անդրադարձել է նաև այն հարցին, որ պաշտպանները չեն գնահատվում, չնայած ահռելի աշխատանք են կատարում:
Կելինին նշել է, որ փոփոխվել է խաղադաշտում պաշտպանի դերը: Պետք է այնպես անել, որ պաշտպաններին վստահված լինի միայն իրենց խնդիրը, այլ ոչ յուրաքանչյուր ամպլուա խաղադաշտում:
Կելինին խոսել է նաև հավերժական թվացող Մեսսի-Ռոնալդու հակամարտության մասին:
«Ինչպե՞ս կասեցնել Ռոնալդուին: Նրան պետք է շրջապատել բոլոր կողմերից, ապահովագրել աջ ոտքը, որպեսզի նա հարված չկատարի: Ինչպե՞ս կասեցնել Մեսսիին. մնում է միայն աղոթել»,- նշել է Կելինին:
Սիրարփի Աղաբաբյան
