Եվրահանձնաժողովը ԵՄ երկրներին առաջարկել է հեշտացնել վիզան Վրաստանի քաղաքացիների համար
Եվրահանձնաժողովը օրենսդրական նախաձեռնություն է ներկայացրել Շենգենյան գոտում Վրաստանի քաղաքացիների համար վիզան չեղյալ հայտարարելու համար, հայտնում է «Գրուզիա օնլայնը»:
Օրենդրական նախաձեռնությունը, որը հրապարակվել է մարտի 9-ին Եվրամիության փաստաթղթերի ռեեստրում, մինչև ուժի մեջ մտնելը պետք է հաստատվի Եվրախորհրդարանի ու ԵՄ անդամ երկրների կողմից:
Եվրախորհրդարանի ու ԵՄ անդամ երկրների կողմից հաստատվելուց հետո Վրաստանի քաղաքացիները, ովքեր ունեն կենսաչափական անձնագրեր, իրավունք կունենան Շենգենյան գոտի այցելել առանց վիզա ստանալու, սակայն գոտում գտնվելու 180 օրվա փոխարեն ժամկետը չպետք է գերազանցի 90 օրը:
Նախաձեռնության մեջ ասվում է, որ բարեփոխումների տեսակետից Վրաստանն իրականացրել է Վիզային ազատականացման գործողությունների պլանի բոլոր խնդիրները ու «այդ պատճառով բավարարում է բոլոր չափանիշներին, որպեսզի իր քաղաքացիները ազատվեն վիզային պահանջներից»:
Միգրացիայի, ներքին գործերի ու քաղաքացիության հարցերով ԵՄ հանձնակատար Դիմիտրիս Ավրամպուլոսը տվյալ նախաձեռնության մասին կպատմի ավելի ուշ՝ մամուլի ասուլիսի ժամանակ:
