Իլհամ Ալիևը և «Գազպրոմը» քննարկել են երկկողմ համագործակցության հարցեր
Ադրբեջանի նախագահ Իլհամ Ալիևը երեկ ընդունել է ռուսական «Գազպրոմ» ընկերության տնօրենների խորհրդի ղեկավար Վիկտոր Զուբկովին, հայտնում է contact.az-ը՝ հղում կատարելով Ալիևի կայքին:
Նշվում է, որ հանդիպմանն ընդգծվել է Ադրբեջանի ու Ռուսաստանի միջև կապերի հաջող զարգացումը բոլոր ոլորտներում, կողմերը վստահություն են հայտնել, որ հետագայում հարաբերություններն ընդլայնվելու են:
Զրույցի ընթացքում կողմերը գոհունակություն են հայտնել, որ երկու երկրների միջև համագործակցությունը լավ է ընթանում էներգետիկայի ոլորտում, ընդգծվել է հաջող համագործակցությունը Ադրբեջանի պետական նավթային SOCAR ընկերության և Ռուսաստանի նավթագազային ընկերությունների, այդ թվում՝ «Գազպրոմի» միջև:
