«Արցախի անկախությունն ու ինքնիշխանությունն այլևս անշրջելի իրողություն են». Աշոտ Ղուլյան
ԼՂՀ Ազգային ժողովի նախագահ Աշոտ Ղուլյանը մարտի 9-ին շնորհակալական նամակներ է ուղարկել ԱՄՆ Ջորջիա նահանգի Ներկայացուցիչների պալատի խոսնակ Դեյվիդ Ռալստընին, Արցախի Հանրապետությունը ճանաչող թիվ 1580 բանաձեւի նախագծի հեղինակներ Փատ Գարդնըրին եւ Դեմիտրիուս Դուգլասին, ինչպես նաեւ Հարություն Աղասարգսյանին եւ նրա ընտանիքին՝ բան աձեւի ընդունման գործում ունեցած վճռական ջանքերի համար: Ինչպես տեղեկացրին ԼՂՀ Ազգային ժողովի մամուլի ծառայությունից, Ազգային ժողովի նախագահի շնորհակալական նամակներում ասված է.
«Արցախի անկախությունն ու ինքնիշխանությունն այլեւս անշրջելի իրողություն են եւ հիմնված են ժողովրդավարական արժեքների վրա: Ժողովրդավարությունը նաեւ Արցախի ժողովրդի անվտանգության հիմնաքարն է: Մեզ համար անչափ կարեւոր է, որ Ջորջիա նահանգի խորհրդարանի մեր գործընկերները բարձր են գնահատել Լեռնային Ղարաբաղի Հանրապետության՝ ժողովրդավարական պետություն կերտելու նպակադրությունը եւ այդ ճանապարհին ունեցած հաջողությունները»:
