«Անգլիայում չեմպիոնության համար պայքարը դեռ հեռու է ավարտից». Արսեն Վենգեր
«Արսենալի» գլխավոր մարզիչ Արսեն Վենգերն իր կարծիքն է հայտնել ԱՊԼ-ում չեմպիոնության համար մղվող պայքարի մասին:
«Մենք չենք հանձնվում չեմպիոնության համար մղվող պայքարում և ամեն հնարավոր բան կանենք հաղթանակի համար մինչև առաջնության ամենավերջը:
Ցանկանում եմ հիշեցնել, որ մենք 2 անգամ հաղթել ենք «Լեսթերին»: Այնպես որ, մենք նրանց դեմ արել ենք ամեն հնարավորը: Մարդիկ պետք է նայեն ոչ միայն մեզ, այլ նաև այլ թիմերի էլ:
ԱՊԼ-ում չեմպիոնության համար պայքարը դեռ հեռու է ավարտից:
Քննադատությո՞ւն: Ես գտնում եմ, որ կարծիքը մնում է կարծիք: Ես կատարում եմ իմ աշխատանքը, և մի օր ինչ-որ մեկը կփոխարինի ինձ այնպես, ինչպես և՝ Ձեզ:
Ես աշխատում եմ անել ամեն ինչ, որպեսզի «Արսենալն» ինձանից հետո թողնեմ լավագույն վիճակում, որպեսզի իմ հաջորդը հիմք ունենա աշխատանքի համար»,- ասել է Վենգերը:
Պատրաստեց Անի Գաբուզյանը
