Մենք թույլ չենք տա Թուրքիային ներքաշել պատերազմի մեջ. Դավութօղլու
Թող ոչ ոք տպավորություն չունենա, թե Թուրքիան կարող է ցանկացած պահի ներքաշվել պատերազմի մեջ: Այս մասին հայտարարել է Թուրքիայի վարչապետ Ահմեդ Դավութօղլուն:
A Haber հեռուստաալիքի եթերում նա հայտնել է, որ չնայած «հրե օղակին», որում գտնվում է Թուրքիան վերջին 5 տարում ու այն փաստը, որ երկիրը գտնվում է պատերազմի շեմին, այնուամենայնիվ, Թուրքիային հաջողվել է պահպանել կայունությունն ու ժողովրդավարությունը:
«Անցկացվել են 5 ընտրական արշավներ: Մենք ոչ մի վնաս չենք հասցրել Թուրքիայի կայունությանը: Ու թող ոչ ոք տպավորություն չստեղծի, թե Թուրքիան կարող է ցանկացած պահի ներքաշվել պատերազմի մեջ: Մենք թույլ չենք տա Թուրքիային ներքաշել ավանտյուրայի մեջ»,- հայտարարել է Դավութօղլուն:
