Ինչպես են առյուծները զբոսաշրջիկների աչքի առաջ հարձակվում ու հոշոտում գոմեշին
Հարավային Աֆրիկայի զբոսաշրջիկներն ականատես են դարձել գոմեշների վրա առյուծների որսի տեսարանի: Առյուծները գրոհել են գոմեշին՝ փաստացի զբոսաշրջիկների ավտոմեքենայից մի քանի մետր հեռավորության վրա, հայտնում է The Daily Mail-ը:
Զբոսաշրջային խմբի գիդը, ով այդ պահին եղել է նրանց կողքին, նախազգուշացրել է, որ ամեն ինչ լավ կլինի, քանի դեռ մարդիկ չեն սկսել շարժվել:
Որսի տեսարանը նկարահանել է գիդ Մարտեն Լանգեն ու հրապարակել է համացանցում: Տեսարանը ցույց է տալիս, թե ինչպես են երկու գոմեշներ փորձում փախչել իրենց հետապնդող առյուծներից Կրյուգերի ազգային պարկում, սակայն փրկվել հաջողվում է միայն նրանցից մեկին:
