Աբրամովիչը կհեռացներ «Չելսիի» բոլոր ֆուտբոլիստներին, եթե կարողանար
«Չելսիի» պաշտպան Բրոնիսլավ Իվանովիչը գտնում է, որ մրցաշրջանի սկզբում ակումբի անհաջողությունների մեղքն իզուր են բարդում բացառապես Ժոզե Մոուրինիոյի վրա, ում արդյունքում հեռացրին գլխավոր մարզչի պաշտոնից:
«Մոուրինիոն չէր փոխվել, ուրիշ չէր դարձել նաև նրա խաղին պատրաստվելու մեթոդը: Ֆուտբոլիստների հետ շփվելու նրա ոճը մնացել էր նույնը, ոչինչ չէր փոխվել:
Ֆուտբոլն առաջին հերթին՝ խաղացողներն են: Դաշտ են դուրս գալիս ֆուտբոլիստները, այլ ոչ թե՝ մարզիչները: Պետք է լինել մրցակցից ուժեղ, սակայն մրցաշրջանի սկզբում մեզ մոտ դա չստացվեց: Գտնում եմ, որ ֆուտբոլիստներն արդյունքի համար ավելի շատ են պատասխանատու, քան մարզիչը:
Բայց չէր կարելի փոխել 25 ֆուտբոլիստների մրցաշրջանի կեսին: Եթե Ռոման Աբրամովիչը կարողանար, ապա կհեռացներ մեզ բոլորիս: Չի կարելի ասել, որ ամեն ինչում մեղավոր է միայն մեկ մարդ»,- սերբի խոսքերն է մեջբերում Daily Mail-ը:
Պատրաստեց Անի Գաբուզյանը
